Veiðin er víða að komast á fleygiferð og Bubbi Morthens var að mæta til veiða í uppáhalds ánni sinni, Laxá í Aðaldal, þar sem hann verður við veiðar næstu daga og hann byrjaði veiðitúrinn með stæl.
,„Já þetta byrjaði vel, fékk 93 sentimetra lax í Brúarstreng á litla sunray númer 8,“ sagði Bubbi Morthens í samtali og bætti við; „ætli ég hafi ekki verið með hann á í einar 10 mínutur, tók fast á honum svo fiskurinn fari ferskur útí. Þetta var bara gaman,“ sagði Bubbi enn fremur.
Veiðin er byrjuð í Laxá í Aðaldal fyrir alvöru og búið að veiða í nokkra daga en fáir laxar hafa veiðst.
