Rjúpnaveiðin hefst á föstudag

„Við ætlum vestur eins og við höfum gert síðustu árin, veiða í jólamatinn hóflega,” sagði veiðimaður í veiðinni og hélt á skotpökkum í veiðibúðinni, allt var að vera klárt þetta árið. „Fínt að labba aðeins og fá nokkrar rjúpur, alltaf sami staðurinn hjá okkur,” sagði veiðimaður um fyrstu dagana á rjúpunni.

Margir ætla fyrsta daginn sem má skjóta, veðurfarið er ágætt og það er alla vega kominn snjór á Norður- og austurlandi.  Við hjá veidar.is munum fylgjast með veiðinni eins og síðustu árin, við verðum á rjúpnaslóð strax fyrsta daginn.

Rjúpna­veiðar verða heim­il­ar í vet­ur frá 24. októ­ber á öll­um veiðisvæðum. Veiðar verða heim­il­ar frá föstu­dög­um til og með þriðju­dög­um en lok veiðitíma­bils er mis­jafnt eft­ir veiðisvæðum.

Jó­hann Páll Jó­hanns­son, um­hverf­is-, orku- og lofts­lags­ráðherra, staðfesti rjúpna­veiðitíma­bilið í ár. Þetta kem­ur fram í til­kynn­ingu frá Stjórn­ar­ráði Íslands.

• Aust­ur­land: 24. októ­ber – 22. des­em­ber
• Norðaust­ur­land: 24. októ­ber – 2. des­em­ber
• Norðvest­ur­land: 24. októ­ber – 18. nóv­em­ber
• Suður­land: 24. októ­ber – 11. nóv­em­ber
• Vest­ur­land: 24. októ­ber – 2. des­em­ber
• Vest­f­irðir: 24. októ­ber – 18. nóv­em­ber