Vókið á Vestó – Össur með besta fiskeldið heima hjá sér

Á Vestó er líklega best heppnaða fiskeldi í landinu – einkum á „ryksugum“. Stóri drjólinn á myndinni er pabbinn en til hliðar við hann er eitt 15 systkina sem klöktust úr hrognum fyrir ca 2 mánuðum. Þetta eru vók fiskar og varla að skapi Miðflokksins enda mjög „politically correct“. Mamman tekur engan þátt í að koma þeim á legg, neitar hængnum um do-do nema hann sé búinn að gera táhreint í gotholunni. Um leið og hún hefur hrygnt er hún rokin, en hængurinn vakir yfir eggjunum og sér um að halda straumi á þeim með uggablaki til að tryggja nægilegt súrefni. Svo kem ég tvisvar á dag og held yfir þeim sósíaldemókratískar einræður. Einsog sést á myndinni hlusta þeir agndofa og opinmynntir einsog Sigurður Kári þegar ég var að koma honum til manns í þinginu. Þeir dafna mjög vel enda einu fiskar í heimi sem fá kórrétt pólitískt uppeldi!