„Skemmtifélagið Dollý fór í sína aðra veiðiferð í Langá í síðustu viku. Veiðin var ágæt enda allar aðstæður með ágætum, veðrið temmilega veiðilegt og gleðin í fyrirrúmi,“ sagði Þórdís Lóa Þórhallsdóttir í samtali og bætti við; „skemmtifélagið Dollý samanstendur af fjölmörgum kántrí drottningum sem kunna að blanda saman veiði, gleði og heilmiklum umræðum um lífið og tilveruna. Til að halda í hefðina þá er við hæfi að gefa upp laxatölur en 16 laxar komu á land og var flestum sleppt. Um 12 laxar fengu fjöruga viðureign en náðist ekki að landa og skapaði það umræðu um hvenær á að telja að maður hafi fengið lax og hvenær ekki. Sjálf hef ég veitt í fjöldamörg ár og alltaf átt erfitt með þessa skilgreiningu að maður teljist missa lax þrátt fyrir að hafa verið í hörku viðureign í langan tíma en missa hann á þessu krítíska mómenti sem allir veiðimenn þekkja rétt þegar maður heldur að nú sé allt í höfn, þá fer allt í vaskinn og laxinn er farinn sína leið. Sjálfri líður með alltaf ágætlega þó ég missi á þessum tímapunkti því allt sem ég sækist eftir í veiðinni er komið á þessum tímapunkti þ.e. takan og spennan sem skapast við tökuna. Viðureignin sem er æsispennandi, hlaupandi um ánna upp og niður, allt gert til að vera með lax á línunni en ekki lax í bandi :). Svo er hann farinn og er það ekki bara fínt? Hann tók og ég veiddi lax, ég fékk viðureign og ætlaði hvort eð er að sleppa honum. Ég skil ekki hvers vegna rekstraraðilar ánna hafi ekki barist fyrir breytingu þannig að misstir laxar séu skráðir ef þeir hanga í við alvöru viðureign. Hvað veldur? Er þetta ævagömul menning frá því að lax var matarkista bænda eða er þetta klassísk keppni um hver er bestur og mestur? Við hjá Skemmtifélaginu Dollý köllum allavega eftir umræðu um fyrirbærið og við vorum alveg með það á hreinu að fagna hverjum laxi sem tók á útpældar flugur. Við veiddum 28 laxa sem nú dafna og fitna í Langá og bíða þess að við komum aftur að ári að leika við þá. Skemmtifélagið Dollý óskar veiðmönnum- og konum góðrar veiðar og hóflegrar skemmtunar,“ sagði Þórdís Lóa að lokum.
Meira efni
Frábær veiði í Hólaá
„Við settum í þrjátíu fiska og tókum tíu en slepptum hinum, mikið af fiski þarna núna og allt urriði,” sagði Atli Valur Arason sem hefur verið duglegur að veiða með
Eins og á góðum haustdegi á Holtavörðuheiðinni í dag
Það er rólegt á Holtavörðuheiðinni og enginn á rjúpu þar um hádegisbilið í dag þegar mátti hefja veiðiskapinn. Og veðráttan er ótrúleg þessa dagana, varla neitt að sjá nema snjólausa
Fyrstu fiskar Elísabetar fjögurra ára
Það er alltaf spennandi að veiða sinn fyrsta fisk og ennþá meira gaman ef maður veiðir fleiri, en þannig var það hjá Elísabetu Lillý fyrir skömmu þegar hún veiddi sína
Ytri Rangá komin yfir 3000 laxa
Nýjar tölur frá LV í dag sýna ekki miklar breytingar frá síðustu viku, sama röð á stærstu ánum og ennþá flott veiði í Hofsá og Selá. Láxá í Kjós og
Fiskur að vaka um allt vatn
„Við erum að búnir að fá fimm fiska, allt í fína lagi,“ sagði Ólafur Sigurðsson við Ljósavatn með vini sínum að veiða í fyrradag. Silungsveiðin hefur víða gengið vel og veiðimenn
Veiðiþjófar gómaðir við Norðurá
Snemma í gærkvöldi varð leiðsögumaður við Norðurá í Borgarfirði var við menn að ólöglegum veiðum við Kálfhyl. Magnús Fjeldsted veiðivörður fór á staðinn og kallaði í framhaldinu lögreglu á svæðið,