Veiðiþættirnir aðgengilegir á veidar.is

Ritstjórinn Gunnar Bender og Jógvan Hansen í einum af þáttunum

Í vor og sumar hafa veiðiþættir Gunnars Bender verið sýndir á Hringbraut en þeir verða brátt aðgengilegir hér á sportveiðivef Gunnars Bender veidar.is og YouTube rásinni Veiðar. Samtals eru 6 þættir komnir í sýningu og fleiri koma með haustinu þegar búið verður að mynda og klippa efni frá sumar- og vorveiði í íslenskum veiðiám. Þættirnir samanstanda af viðtölum við stangveiðimenn og fleira fólk, gagnlegum fróðleik og skemmtilegum upptökum á veiðistöðum við allar helstu silungs- og laxveiðiár sem Gunnar Bender heimsækir á ferðum sínum yfir veiðitímann. Þættirnir hafa vakið mikla athygli og fengið áhorf á meðan þeir voru sýndir á Hringbraut í vor og sumar. Góða sportveiðiþætti má alltaf sjá aftur og aftur og brátt verða þeir aðgengilegir á þessum einstaka veiðivef.