„Við erum að ljúka túrnum þessum árlega í Eyjafjarðará og það var kalt en veiðin var flott, fengum á milli 50 og 60 fiska sem er fínt bara,“ sagði Stefán Sigurðsson í viðtali við Veiðar, feiginn að komast af árbakkanum.
„Við höfum farið 4 veiðimenn í nokkur ár hingað til veiða og það veiddust þessir fiskar á tveimur dögum, tóku straumflugur. Sá stærsti hjá okkur þetta árið er 82 sentimetrar. Þó kalt sé er þetta alltaf jafn skemmtilegt,“ sagði Stefán enn fremur.
![](https://veidar.is/wp-content/uploads/2024/04/Matti-1-1024x577.jpg)
Veiðimenn reyna víða þessa dagana en það á ekki að breytast veðrið fyrr en í næstu viku.
Við fréttum af einum veiðimanni fyrir austan sem veiddi bara út um rúðuna á bílnum sínum, það var svo helvíti kalt, en fiskurinn var eitthvað tregur við þessar aðstæður. En hvað reyna menn ekki þegar svona kalt er?