Smálaxinn að bjarga sumrinu

Vikutölur úr laxveiðinni eru komnar á vef Landssambands veiðifélaga á angling.is.  Laxveiðin heldur áfram, smálaxinn er að bjarga sumrinu, eftir að tveggja ára laxinn kom ekki upp í nógu miklu mæli.  Ytri Rangá er efst svo Eystri Rangá, síðan Þverá og Norðurá. Þó flest veiðisvæði séu betri en í fyrra er veiðin almennt róleg og langt frá sínu besta. Norðausturhornið er talsvert betra en í fyrra og síðustu vikurnar hafa verið nokkuð góðar smálaxagöngur í árnar í Þistilfirði og Vopnafirði.

Laxinn hefði mátt mæta meira í síðasta straumi. En svona er þetta, hérna er listinn.

Ásta Guðjónsdóttir með fallegan smálax úr Sandá í Þistilfirði.
Mynd: Gunnar Örn Petersen