„Opnunarhollið var með fimm laxa og nokkrir sluppu af og takan var dræm,“ sagði Sturla Birgisson þegar við spurðum um Laxá á Ásum, sem var að opna. „Það var mjög heitt og hitinn 20 gráður við opnun árinnar. Svo fór hitinn í þrjár gráður og vatnshitinn var aðeins meiri. Næsta holl á eftir náði tveimur löxum og missti nokkra. Nú er að hlýna svo næstu dagar verða spennandi,“ sagði Sturla enn fremur.
Bolti úr Blöndu
Gísli Vilhjálmsson tannlæknir veiddi risafisk í Blöndu og mældist 110 sentimetrar, viðureignin stóð í yfir 45 mínútur en fiskinn veiddist á Breiðinni norður og undir var svartur Frances hálf tomma.
