„Veiðin gekk bara vel í Langá á Mýrum og hollið endað í 19 flottum löxum sem opnaði hana sem er bara frábært og allir fengu fisk,“ sagði Jógvan Hansen sem var að opna Langá á Mýrum í góðra vina hópi.
„Það er gengið töluvert af fiski og veiðin hefur gengið vel, fiskarnir eru að veiðast víða um ána en mest neðst. Ég held bara að Langá verði góð í sumar, flott vatn og fiskur að ganga á hverju flóði. Þetta var annar veiðitúrinn minn í sumar, fór í Mallandsvötn á Skaga og það var meiriháttar við fengum yfir 60 fiska, flotta. Svæðið er meiriháttar og gaman að fara þarna til veiða. Opnunarhollið á undan okkur mokveiddi, fengum um 200 fiska alla vega. Aðgengi er gott þarna og fjölbreytt veiðisvæði,“ sagði Jógvan enn fremur.
