„Veiðin gengur mjög vel, settum í 11 fiska í morgun og lönduðum 9,,“ sagði Árni Friðleifsson í kvöld á urriðasvæðinu í Laxá í Mývatnssveit. Opnunarhollið hefur farið á kostum á árbökkunum við veiðiskapinn enda aðstæður mjög góðar þessa dagana á svæðinu.
„Veiðin hefur gengið vel og allir að fá flotta veiði, fiskurinn er vel haldinn, við fengum 8 fiska núna eftir hádegi í gær,“ sagði Árni nýbúinn að landa flottum fiski á Sauðavaði.
Bjarni Júlíusson var á öðrum stað með stöngina og bætti við; „það var rólegt í morgun en áttum flotta vakt núna í eftirmiðdaginn. Við settum í 12 fiska, mjög fallegir fiskar svona heilt yfir. Þetta gengur vel,“ sagði Bjarni enn fremur.
![](https://veidar.is/wp-content/uploads/2024/05/Arni-urridi-1-768x1024.jpeg)
Byrjun á urriðasvæðinu lofar góðu með áframhaldið, fiskurinn er feitur og fallegur og veiðimenn hafa verið að fá flotta veiði.
![](https://veidar.is/wp-content/uploads/2024/05/Bjarni-urridi-768x1024.jpeg)