Margir á Þingvöllum innan um ástleitna urriða

Jóhannes Sturlaugsson með bolta urriða úr Öxará. /Mynd ÁH

„Já það voru margir á Þingvöllum og fullt af urriða eins og venjulega í Öxará,“ sagði veiðimaður sem mætti á staðinn með mörgum öðrum til að fylgjast með Jóhannesi Sturlaugssyni handleika og nánast tala við urriðana í ánni.

Og þetta hefur hann gert svo fimlega í fjölda ára og virðist hafa gaman af enda þekkir hann næstum hvern urriða í ánni með nafni og ástarleikurinn hjá þeim virðist vera öflugri með hverju árinu.

„Það er alltaf jafn skemmtilegt að fylgjast með þessu,“ sagði veiðimaðurinn sem var hættur að veiða í sumar og bíður eftir rjúpunni sem styttist í að veiðin hefjist.