„Við höfðum ekkert orðið vör ennþá en við sáum fiska en þeir tóku ekki,“ sögðu ungir veiðimenn við Hafnarfjarðarhöfn í dag, þegar hin árlega dorgveiðikeppni var haldin í 22. sinn, sem verður að teljast afrek út af fyrir sig fyrir unga veiðimenn.
„Fiskurinn var hérna áðan og kannski tekur hann eins og í vatninu sem við vorum að veiða í um daginn, veiði er skemmtileg,“ sögðu ungu veiðimennirnir og héldu áfram að dorga fyrir fiskana. Áhuginn var svo sannarlega fyrir hendi hjá þeim.
![](https://veidar.is/wp-content/uploads/2024/06/Haf-2-225x300.jpg)
Þetta framtak Hafnarfjarðarbæjar er þakkarvert en allt að hundrað börn voru á svæðinu að þessu sinni, veiðarfæri og beita. Það er ekki hægt að hafa þetta betra og veiðin var ágæt, nokkrir fiskar komu á land.
![](https://veidar.is/wp-content/uploads/2024/06/Haf-4-300x225.jpg)
![](https://veidar.is/wp-content/uploads/2024/06/Haf-1-300x225.jpg)
Á myndum sést að áhuginn er mikill og það er reynt að fá fiskinn til að taka.
Myndir/ G.Bender